Joakin Beunza 13 (Bis) 1
31014 - Iruñea
Nafarroa
Tel: (34) 948 14 18 12
Fax: (34) 948 38 26 58

Nafar Estatuaren Historia. VIII-XVI Mendeak ikastaroari buruzko informazioa esteka honetan

Euskal nortasuna hizpide, Udako Euskal Unibertsitateko ikastaroetako aldian aldiko topagunearen kronika da, funtsean, liburu hau.

Liburu hau, Euskal Herria XI. mendean. Antso III.a Nagusiaren erregealdia (1004-1035), Garonatik Oka mendietara arteko euskaldun guztien garai bateko historia ezagutzera emateko idatzi da, gordean egon baita historia ofizialek ezkutatu eta itxuraldatuta.

EUSKOKULTUR BEKAri esker argitara eman den liburu honek, Iruñeko Udaletxeak azken urteotako historian bizitako arorik bitxienetako bat jasotzen du. Bitxia eta berezia udalbatzaren osaerarengatik, bere ekimen publikoengatik zein Francoren diktaduraren azkenaldian eta trantsizio politikoaren hastapenean kokatzen delako.

Antso III. Nagusiaren erregealdiaren milurteurrena ospatzeko (1004 – 2004) antolatu zen Antso Handia, errazu kantata, formula honek biltzen dituen ahalbideengatik: orkestrako goi mailako musika, masa koralaren parte-hartzea, euskararen erabilpena eta musikaren edertasunari mezuaren gardentasuna atxikitzeko eskaintzen digun aukera.

Jada urrun den haurtzaroko bizipenez, hamar urte bete arte atxiki ditudan oroitzapenez osatutako liburua da.
Idazten hasi nintzelarik ez nekien zein ote zen nire lehen oroitzapena. Ondoren, emeki-emeki, bata bestearen ondotik, goxoki heldu zaizkit, batzutan trumilka, itzalean gordeta neuzkanak, ontzi batean dauden gerezi baten txortenetik tiraka hasten zarenean bezalaxe.

Familia sare zabala areagotzeko aukerarik galdu gabe, Zaragoza Etorbideko 9. zenbakiko 4. solairuan bizi ginenoi, bostgarren haurridea heldu zitzaigun. Orduan, Iruñeko kanpokaldea zen eremu hura, Plazaolaren parean, ikatz kutsu eta militaren koartelen zaldi usain artean. Horrekin alderatuz, Arga ibaiertzak inguratuz, Arantzadi bilakatuko da etxekoon bizi-muin.

Lekarozen burutu nituen batxillergo ikasketak. Nire aita ere hantxe izan zen barneko ikasle 1921 eta 1923 urte artean. Ni berriz, 1950.etik 1953.era. Nork esan behar zigun kolejioak izan duen amaiera izan behar zuenik! Urte luzez axolagabekeriz utzia egon ondoren, egun birrinduta dago, are gehiago han zerbait izan ote zen aztarnarik ere ez da nabari.

EUSKOKULTUR Fundazioa 2000. urtean Iruñean sortutako giza-intereseko fundazio pribatu bat da. Bere ekimenak, bereziki, Nafarroan egiten dituen arren, helburu beretsuekin nazioartean ari diren beste erakundeekin elkarlanean aritzeko gogoz dihardu. Bere helburu eta baliabideak honokoak dira:

• Euskal Herriko kultur ondarearen ezagutzan laguntzea
• Gure kultur eta historia ondareari beste herrien eta kulturen aurrerabideak eta teknikak atxikitzea
• Euskal Herriko ohiturak eta bizitzaren lekukotasunak ahoz, idatziz zein beste euskarritan adierazitakoak biltzea
• Gure herriari eta bere kultur ekimenari buruzko ikerketa zientifikoak lantzea
• Ardura beretsuak dituzten erakunde publikoei zein pribatuei dibulgaziozko kultur ikerketak eta proposamenak aurkeztea

© 2011 Euskokultur Fundazioa